Бұдан әрі «Келісім» деп аталатын бұл Келісімге (Орындаушының Офертасы), бұдан әрі «Орындаушы» деп аталатын, Жарғы негізінде әрекет етуші, ТОО «БигДатаГрупп», БСН 250140022669, Заманбек Жаксылык Бахытулы директоры тұлғасында, және Келісімде қарастырылған тәртіп және талаптар бойынша Келісімге қосылған «Тапсырыс беруші», бұдан әрі «Тараптар» деп аталатын, ал жеке түрде «Тарап» деп аталатын тұлғалар арасында, Келісім шарттары талаптарына сәйкес Офертаны акцепттеу арқылы қосылу шартын жасасты.

1. ТЕРМИНДЕР МЕН АНЫҚТАМАЛАР

Оферта акцепті – Офертаны осы келісімде көрсетілген әрекеттерді орындау арқылы толық және қайтарымсыз қабылдау.
Оферта шарты – Орындаушының Сайтында жарияланған және Тапсырыс беруші мен Орындаушы арасында білім беру, ақпараттық-консультациялық қызмет көрсету туралы, Оферта акцепті арқылы отырғызылатын келісімі.
Тапсырыс беруші – Оферта акцептін орындаған, осылайша отырғызылған келісім бойынша Орындаушының қызметіне Тапсырыс беруші болып саналатын кез келген жеке тұлға.
Жеке кабинеті – Орындаушы Сайтында орналасқан арнайы қорғаулы беттер жиынтығы; онда Тапсырыс беруші сәйкестендіру деректерін енгізу арқылы Білім беру қызметтеріне қол жеткізе алады.
Дайындық бағдарламасы – Тапсырыс беруші оқып меңгеруі тиіс белгілі тақырыптар бойынша құрылымдалған білім беру материалдары (дәрістер, презентациялар, тапсырмалар) жиынтығы.
Білім беру қызметтері – осы келісім аясында көрсетілетін барлық қызметтердің жиынтығы, оған Тапсырыс берушінің Жеке кабинетін ашу, Тапсырыс берушіге Дайындық бағдарламасының бейнематериалдарын көруге рұқсат беру, сондай-ақ, өзіндік жұмыстарды тексеру және нақты бір Дайындық бағдарламасы бойынша кеңес беру кіреді.
Орындаушы сайты – Интернет желісінде https://bigdatakz.com домендік адресі бойынша орналасқан сайты.
Оқу мерзімі – Тапсырыс беруші білім беру материалдарымен танысып, оқуды сәтті аяқтағанын растаушы сертификат алу мақсатында барлық өзіндік жұмыстарды орындауға белгіленген уақыт.
Қызметтердің бағасы – Орындаушының Сайтында жарияланған нақты бір Дайындық бағдарламасы бойынша білім беру қызметінің бағасы.

2. АКЦЕПТЕУ

2.1. Осы Келісім Қазақстан Республикасы Азаматтық кодексінің 389-бабына сәйкес қосылу шарты болып табылады, оның талаптары Тапсырыс беруші тарапынан тек Келісімнің толық мәтінін қабылдау және Келісімде белгіленген әрекеттерді орындау арқылы ғана қабылданады.
2.2. Тапсырыс беруші Орындаушының Сайтында орналастырылған онлайн-курстарға қол жеткізіп, жеке тіркеу мәліметтерін және байланыс деректерін толықтай және шынайы түрде енгізіп, Жеке кабинетке тіркелу арқылы шартты қабылдайды.
2.3. Тапсырыс берушінің Келісімге қосылуын мына әрекеттері растайды:
2.3.1. Келісім мәтіні толық оқылды, түсінілді және ешқандай қарсылықсыз қабылданды.
2.3.2. Келісімде Тапсырыс берушінің мүдделеріне қайшы келетін шарттар жоқ.
2.3.3. Қолтаңбаның болмауы, сондай-ақ Келісімнің 2.2. пунктінде қарастырылған әрекет жасасалса, Келісімнің оқылмағананын/түсінілмегенін/қабылданбағанын дәлелдемейді.
2.3.4. Келісімнің әр ережелері Келісімге қосылған тұлғаның мүддесі мен еркіне толықтай сәйкес келеді.

3. ШАРТТЫҢ МӘНІ

3.1. Орындаушы Тапсырыс берушіге білім беру қызметтерін көрсетуге, ал Тапсырыс беруші ол қызметтерді төлеуге міндеттенеді.
3.2. Егер бағдарламаны кәмелетке толмаған тұлға алатын болса, Орындаушы төлемнің заңдылығын дәлелдейтін: бағдарлама оқуы жеке айлығынан, шәкіртақысынан немесе кәмелетке толмаған тұлғаның басқа табыс көзінен төленіп тұрғанын дәлелдейтін құжаттарды; сондай-ақ Келісім жасасуға заңды өкілдерінің жазбаша келісімін талап етуге құқылы.
3.3. Офертаның жария шарты ресми құжат болып саналады және https://bigdatakz.com сайтында орналастырылады.
3.4. Оқу барысының басталу және аяқталу уақыты, Білім беру қызметтерінің көлемі және ұзақтығы және басқа шарттары Орындаушының сайтында жарияланады. Білім беру қызметтерімен байланысты кез келген өзгерістер, толықтырулар және түзетулер Орындаушы тарапынан Тапсырыс берушіге телефон арқылы, «WhatsApp» немесе «Telegram» (бұдан әрі – мессенджерлер) арқылы Тапсырыс берушінің нөміріне хабарласу арқылы хабарландырылады, сондай-ақ Тапсырыс беруші Орындаушыдан келген хабарландыруларды өздігінен және уақытылы тексеріп тұруы қажет.

4. ҚЫЗМЕТ КӨРСЕТУ ШАРТТАРЫ МЕН ТАЛАПТАРЫ

4.1. Орындаушы сайтында орналастырылған Білім беру бағдарлама тізімімен танысқаннан кейін, Тапсырыс беруші WhatsApp мессенджері немесе сайтта көрсетілген нөмір арқылы қоңырау шалып, өтінім қалдыруы қажет. Тапсырыс беруші және Орындаушы арасындағы телефон арқылы сөйлесулері жазылуы мүмкін.
4.2. Өтінімді рәсімдеу үшін Тапсырыс беруші келесі ақпаратты беруі қажет:

• Толық Аты-Жөнін;
• Байланыс нөмірін;

4.3. Тапсырыс беруші таңдаған Білім беру бағдарламасын Орындаушының сайтында белгіленген баға бойынша толық мөлшерде төлейді.
4.4. Орындаушы төлем фактісі расталғаннан кейін, Тапсырыс берушіні Тапсырыс берушілер тізіміне қосады, сондай-ақ Оқу мерзімі басталғанға дейін бір тәулік бұрын Тапсырыс берушінің Жеке кабинетіне қолжетімділікті қалыптастыру және ұсыну қызметін көрсетеді. Сонымен қатар, Тапсырыс берушіні Telegram тобына қосады, оқыту тәртібімен таныстырады.
4.5. Оқу мерзімінің бірінші күні Орындаушы Тапсырыс берушіге Білім беру бағдарламасының бейнематериалдарына қолжетімділікті ұсыну қызметін көрсетуге міндетті.
4.6. Өзіндік жұмыстарды тексеру бойынша қызметтер, сондай-ақ Білім беру бағдарламасының тақырыптары бойынша кеңес беру қызметтері Тапсырыс берушіге бүкіл Оқу мерзімі ішінде көрсетіледі. Бұл қызметтер Тапсырыс беруші осы қызметтерді пайдаланғанына немесе Орындаушыға байланысты емес себептер бойынша кеңес алмағанына және/немесе өзіндік жұмыстарды орындамағанына қарамастан, оқу мерзімінің соңғы жұмыс күнінде толық көлемде көрсетілді деп есептеледі.
4.7. Оқу бағдарламасы аяқталғаннан кейін және қорытынды жобаны қорғағаннан кейін, Орындаушы оқу аяқталғаны туралы құжат – сертификат беруге міндеттенеді. Сертификат қағаз немесе электронды түрде беріледі, егер Тапсырыс берушінің Орындаушы алдында қарызы болмаса.
4.8. Оферта шарттарын қабылдай отырып, Тапсырыс беруші қолданыстағы заңнамаға сәйкес Орындаушыға өзінің жеке деректерін (бұдан әрі – ЖД өңдеу), берілген ақпаратын және/немесе жеке деректерін өңдеуге келісім береді.

5.ҚАРЖЫЛЫҚ ШАРТТАРЫ

5.1. Төлем қолма-қол немесе қолма-қол ақшасыз тәсілмен, Тапсырыс берушінің қаражатын Орындаушының есеп айырысу шотына аудару арқылы жүзеге асырылады – Тапсырыс берушіге төлем шоты ұсынылады немесе компанияның реквизиттері беріледі.
5.2. Қызметтердің бағасы Орындаушының сайтында көрсетілген сомаға сәйкес 100% (жүз пайыз) мөлшерінде төленеді. Оның ішінде:
5.2.1. Білім беру бағдарламасының толық құнының 10% (он пайызы) Тапсырыс берушінің Жеке кабинетіне қолжетімділікті қалыптастыру және ұсыну қызметіне төленеді;
5.2.2. Білім беру бағдарламасының толық бағасының 80% (сексен пайызы) оқу бағдарламасының бейнематериалдарына, сондай-ақ онлайн/офлайн тренингтерге (куратор қолдауы бар курстар үшін) қолжетімділікті ұсыну қызметіне төленеді;
5.2.3. Білім беру бағдарламасының толық бағасының 10% (он пайызы) консультациялық қызметтер көрсетуге және Тапсырыс берушінің өзіндік жұмыстарын тексеру қызметіне төленеді.
5.3. Орындаушы Тапсырыс берушіге Білім беру бағдарламаларын жақсы меңгеру мақсатында қосымша офлайн және онлайн білім беру іс-шараларын тегін өткізуге құқылы. Мұндай іс-шаралар туралы ақпарат Орындаушының сайтында немесе Келісімде көзделген басқа тәсілмен жеткізіледі.
5.4. Тапсырыс беруші үшін "BigDataKZ" Бағдарламалау мектебінің серіктес банктері арқылы бөліп төлеу мүмкіндігі қарастырылған. Бөліп төлеу шарттары мен тәртібі "BigDataKZ" Бағдарламалау мектебінің серіктес банктерімен жасалған жеке келісімдермен реттеледі.
5.5. Егер оқу мерзімі басталғанға дейін Тапсырыс берушіге Жеке кабинетке қолжетімділікті қалыптастыру және ұсыну қызметі көрсетілсе, онда Оқу бағдарламасының құнының 10% қалған Білім беру қызметтерінен бас тарту жағдайында қайтаруға жатпайды. Қалған Білім беру қызметтерінің (90%) төлемін курс басталғаннан кейін бір апта ішінде төлеу қажет.
5.6. Нақты көрсетілген Білім беру қызметтері үшін төленген қаражат қайтаруға жатпайды.
5.7. Төлем күні – Орындаушының шотына қаражат түскен күн болып есептеледі.
5.8. Тапсырыс беруші осы Келісімде көрсетілген Орындаушының реквизиттерінің өзгеруін өз бетінше қадағалауға және өз төлемдерінің дұрыстығына жауап беруге міндетті.
5.9. Қызметтердің құны Орындаушының сайтында жарияланады.
5.10. Қызметтер үшін төлем Қазақстандық теңгемен жүзеге асырылады. Орындаушының қызметтері ҚҚС-тан босатылған.

6. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ

6.1. Орындаушы міндеттенеді:
6.1.1. Білім беру қызметтерін сапалы түрде көрсетуге, оларды Оқу жоспарына және Тапсырыс беруші таңдаған тарифке сәйкес орындауға, қызметтер уақтылы төленгеннен кейін осы Шарттың және «Big Data KZ» бағдарламалау мектебінің Жарғысының талаптарына сай жүргізуге.
6.1.2. Тапсырыс берушінің ақпараттарының құпиялығын сақтауға, Қазақстан Республикасының қолданыстағы заңнамасында көзделген жағдайларды қоспағанда.
6.2. Орындаушы құқылы:
6.2.1. Қызмет көрсету күндерін, уақытын және оқытудың өзге де аспектілерін өзгертуге, бұл өзгерістер қызмет көрсету құнына әсер етпейді. Орындаушы бұл өзгерістер туралы ақпаратты өз сайтында жариялау немесе мессенджерлер арқылы хабарлау арқылы Тапсырыс берушіні хабардар етеді.
6.2.2. Курстың бағдарламасын әзірлеуге және өзгертуге, қатысушылардың санын және құрамын анықтауға, сондай-ақ өткізу орнын белгілеуге.
6.2.3. Қызметтерді көрсету үшін сыртқы мамандарды тартуға.
6.2.4. Оқу барысы кезінде фото және бейнетүсірілім жүргізуге және алынған материалдарды өз қалауы бойынша пайдалануға. Орындаушы осы материалдарға ерекше авторлық құқықтарға, сондай-ақ онымен байланысты құқықтарға ие. Бұл материалдарды коммерциялық мақсатта пайдалану тек Орындаушының жазбаша рұқсатымен мүмкін болады.
6.2.5. Тапсырыс берушінің төлем мерзімдерін бұзған жағдайда қызмет көрсетуден бас тартуға.
6.3. Егер Тапсырыс беруші оқу барысында Азаматтық заңнама мен осы Шарттың талаптарын бұзса, Орындаушы шартты біржақты тәртіппен бұзу құқығына ие.
6.4. Тапсырыс беруші тарапынан агрессия немесе құрметсіздік көрсетілген жағдайда Орындаушы білім беру қызметтерін көрсетуді дереу тоқтатуға құқылы.
6.5. Тапсырыс беруші міндеттенеді:
6.5.1. Өтінім бермес бұрын курстың күні, уақыты, құны және өткізу шарттарымен, сондай-ақ олардың өзгерістерімен өз бетінше және уақтылы танысуға, Оферта шарттарын әр сайтқа кірген сайын қайта тексеруге.
6.5.2. Осы Офертаның талаптарына сәйкес Орындаушының қызметтерін уақтылы төлеуге.
6.5.3. Байланыс деректері өзгерген жағдайда әкімшіні дереу хабардар етуге.
6.5.4. Белгіленген кестеге сәйкес курстарға қатысуға.
6.5.5. Осы Шартта көрсетілген курстарға қатысу талаптарын орындауға. Қатысу талаптары бұзылған жағдайда, Орындаушы қызмет сапасына жауапты болмайды.
6.5.6. Дәлелді себептермен оқуды тоқтатқан жағдайда, бұл туралы әкімшіге хабарлауға. Оқуды қайта бастау екі ай ішінде мүмкін болады, әйтпесе төлем жойылады және Орындаушы қызметтерді көрсетуге міндетті болмайды.
6.6. Тапсырыс беруші құқылы:
6.6.1. Осы Офертаның шарттарына сәйкес қызметтер алуға.
6.6.2. Курстан бас тартып, 5.5-тармақта көрсетілген қызметтерден басқа, білім беру қызметтеріне төленген қаражатты қайтаруға. Ол үшін оқу басталған күннен бастап 14 күн ішінде жазбаша өтінішті info@bigdatakz.com электрондық поштасына жіберуі қажет. Егер осы талап сақталмаса, Орындаушы пайдаланылмаған сабақтар үшін төлемді қайтармау құқығын өзіне қалдырады. Қайтару туралы өтініш түскен күннен бастап бір ай ішінде қарастырылады.
6.6.3. Өтіп жатқан курс бойынша сұрақтар туындаған жағдайда Орындаушыға жүгінуге, ал Орындаушы Тапсырыс берушінің барлық сұрақтарына толық жауап беруге міндеттенеді.
6.6.4. Осы Оферта шеңберінде көрсетілетін қызметтерге қатысты өз пікірін, ұсыныстарын Орындаушыға жіберуге.

7. ЗИЯТКЕРЛІК МЕНШІК ҚҰҚЫҚТАРЫ

7.1. Орындаушы курстар/тренингтер өткізу барысында Тапсырыс берушіге ұсынатын барлық ақпараттық материалдар, сондай-ақ курстар/тренингтер кезінде Орындаушы түсірген фото және бейнематериалдар зияткерлік қызмет нәтижесі болып табылады. Оларға айрықша авторлық құқық, соның ішінде авторлық құқыққа ілеспе құқықтар Орындаушыға тиесілі.
7.2. Курстардың фотоға түсірілуін, аудио және/немесе бейнежазбасын жүргізуді тек Орындаушының рұқсатымен жүзеге асыруға болады. Орындаушының зияткерлік қызметінің нәтижелерін рұқсатсыз пайдалану Орындаушының айрықша құқықтарын бұзу болып табылады және Қазақстан Республикасының қолданыстағы заңнамасына сәйкес азаматтық, әкімшілік және өзге де жауапкершілікке әкеп соғады.
7.3. Тапсырыс беруші Орындаушының онлайн түрде өткізілетін курстардың/тренингтердің аудио және бейнематериалдарын толық немесе ішінара көшіруге, курстар/тренингтер трансляциясын жазуға, сондай-ақ олардың мазмұнын кез келген тәсілмен және/немесе кез келген материалдық тасымалдағышқа бекітуге және Орындаушының жазбаша келісімінсіз осы курстар/тренингтердің мазмұнын пайдалануға құқылы емес. Бұл Орындаушының айрықша құқығын бұзу болып саналады және Қазақстан Республикасының қолданыстағы заңнамасына сәйкес азаматтық, әкімшілік және өзге де жауапкершілікке әкеп соғады.

8. АРНАЙЫ ШАРТТАР ЖӘНЕ ТАРАПТАРДЫҢ ЖАУАПКЕРШІЛІГІ

8.1. Егер Тараптар өз міндеттемелерін орындамаса немесе тиісінше орындамаса, олар Қазақстан Республикасының заңнамасына және осы Шарттың талаптарына сәйкес жауапты болады.
8.2. Орындаушы қызмет көрсету сапасының тиісті деңгейде болмауына жауапты болмайды, егер ол Тапсырыс беруші ұсынған ақпараттың дұрыс болмауынан, жеткіліксіздігінен немесе уақтылы берілмеуінен, сондай-ақ осы Шарттың талаптарын Тапсырыс берушінің бұзуынан туындаса.
8.3. Орындаушы көрсетілген қызметтің Тапсырыс берушінің күткеніне сәйкес келмеуі немесе оның субъективті бағалауы үшін жауап бермейді. Мұндай сәйкессіздік немесе теріс субъективті баға қызметтердің сапасыз немесе келісілген көлемде көрсетілмегенін білдірмейді.
8.4. Орындаушы Тапсырыс берушіні қызметпен қамтамасыз ете алмауына байланысты жауапты болмайды, егер ол Орындаушыға байланысты емес себептерден туындаса, соның ішінде көлік құралдарының жұмысындағы ақаулар, аурулар, іссапарлар және басқа да себептер. Тапсырыс берушінің кінәсінен өтпей қалған қызметтер үшін төленген қаражат қайтарылмайды.
8.5. Орындаушы Тапсырыс берушінің немесе оның өкілдерінің қызметіне келтірілген зиян үшін жауап бермейді, егер бұл зиян оның осы Шарт бойынша міндеттемелерін тиісінше орындамауынан немесе Орындаушы қызметкерлерінің талаптарын бұзуынан туындаса.
8.6. Оферта шарты бойынша Орындаушының қызметтерін төлеу арқылы Тапсырыс беруші осы Шарттың талаптарымен келіседі және Орындаушыдан моральдық, материалдық немесе басқа да зиян үшін өтемақы талап етуге құқығы жоқ. Бұл талап Шарттың қолданылу мерзімі ішінде де, оның аяқталғаннан кейін де күшінде болады, егер мұндай жағдайлар Қазақстан Республикасының заңнамасында тікелей қарастырылмаса.
8.7. Тапсырыс беруші Өтінімді ресімдеу кезінде дұрыс ақпарат беруге міндеттенеді. Орындаушы қатысушылар тізімінде жоқ адамды курсқа қатыстырудан бас тартуға құқылы. Қатысушылардың түпкілікті тізімін Орындаушы курс басталған күні жасайды.
8.8. Егер Тапсырыс беруші Орындаушыға байланысты емес себептермен курстарға/тренингтерге қатыспаса немесе курстар/тренингтер өткізілгеннен кейін ғана себептерін хабарласа, қызмет тиісінше көрсетілген болып есептеледі және өткізіп алған сабақтар қалпына келтірілмейді.
8.9. Тапсырыс беруші Орындаушының жабдықтары мен мүлкін зақымдағаны үшін Қазақстан Республикасының заңнамасына сәйкес жауап береді.
8.10. Оферта шарты бойынша Орындаушының жиынтық жауапкершілігі, кез келген талап немесе наразылық бойынша, Тапсырыс беруші төлеген соманың 100% (жүз пайызы) мөлшерімен шектеледі. Осы оферта шартын қабылдай отырып, Тапсырыс беруші сот шығындарын өз есебінен төлеуге де келіседі.
8.11. Жоғарыда айтылғандарға қайшы келмей, Орындаушы оферта шартының талаптарын орындамау үшін жауапты болмайды, егер бұл жағдайлар форс-мажорлық мән-жайлардан туындаса. Оларға мыналар жатады: мемлекеттік органдардың әрекеттері, өрт, су тасқыны, жер сілкінісі, басқа да табиғи апаттар, электр қуатының болмауы, ереуілдер, азаматтық толқулар, тәртіпсіздіктер және басқа да Орындаушының оферта шарттарын орындауына әсер етуі мүмкін кез келген басқа жағдайлар.
8.12. Оферта шартының жасалуы және орындалуы Қазақстан Республикасының қолданыстағы заңнамасына сәйкес реттеледі.
8.13. Осы оферта шарты бойынша, оқыту барысында пайдаланылған немесе Орындаушының веб-сайтында орналастырылған және Тапсырыс берушіге берілген кез келген материалдарды (соның ішінде сипаттамалық мәтіндер, фотосуреттер, бейнематериалдар және т.б.) пайдалануға, таратуға, көшіруге және/немесе олардан үзінді алуға жол берілмейді. Сайтта орналастырылған материалдар Қазақстан Республикасының қолданыстағы авторлық құқық және оған ілеспе құқықтар туралы заңнамасымен қорғалған. Осы оферта шарты бойынша барлық даулар Қазақстан Республикасының қолданыстағы заңнамасына сәйкес шешіледі.

9. ҚҰПИЯЛЫҚ

9.1. Тараптар өзара келісімсіз немесе келісім шарттарында қарастырылмаған басқа амалдар арқылы кез келген Тарап үшін коммерциялық құпия болып табылатын ұйымдастырушылық-техникалық, коммерциялық, қаржылық және басқа ақпаратты үшінші тұлғаларға таратпауға міндетенеді. Сондай-ақ:

• үшінші тұлғаларға белгісіз болғандықтан бұндай ақпарат шынай немесе потендиалды коммерциялық құндылыққа иә;
• заңды түрде бұндай ақпарат қолжетімсіз;
• бұндай ақпарат иесі оның құпиялығын сақтауға тиісті шаралар қолданады.

9.2. Құпия ақпаратты сақтау мерзімі Тараптармен Оферта шартының қолданылу аяқталуы күнінен кем дегенде бір жылға дейін орнатылады.

10. Басқа шарттар

10.1. Осы Келісім тараптар үшін Орындаушының есеп айырысу шотына қаражат түскен күннен бастап жасалған және күшіне енген болып есептеледі.
10.2. Осы Келісім Тараптардың барлық міндеттемелерін орындағанға дейін қолданылады. Барлық қосымшалар осы Келісімнің ажырамас бөлігі болып табылады (ЖШС «BigDataGroup» Жарғысы).
10.3. Орындаушының сайтында толтырылған Тапсырыс берушінің өтінімі осы Шарттың ажырамас бөлігі болып табылады.
10.4. Осы Келісімді жасай отырып, Тапсырыс беруші өзінің бейнесін зияткерлік қызмет нәтижелеріне енгізуге келісім береді. Егер Тапсырыс беруші өзінің бейнесін пайдалануға рұқсат бермесе, ол бұл туралы Орындаушыға info@bigdatakz.com электрондық поштасы арқылы жазбаша түрде хабарлайды.
10.5. Осы жария келісім (оферта) Орындаушы мен Тапсырыс беруші арасындағы толық келісімді білдіреді. Орындаушы офертаның шарттарында көзделген жағдайлардан басқа ешқандай міндеттемелер мен талаптарды өз мойнына алмайды. Офертаны орындау осымен реттеледі, егер мұндай шарттар немесе міндеттемелер жазбаша түрде бекітіліп, Орындаушы мен Тапсырыс берушінің уәкілетті өкілдері қол қойған жағдайда ғана олар қолданылады. Егер осы Келісімге Қосымшалар немесе Қосымша келісімдер офертаның шарттарына қайшы келсе, офертаның ережелері басымдыққа ие болады.
10.6. Тапсырыс беруші оферта шартын ерікті түрде қабылдайды және төмендегілерді растайды:

• офертаның шарттарымен танысқанын,
• офертаның және осы жария келісімнің мәнін толық түсінетінін,
• осы жария келісімді жасасу және орындау бойынша әрекеттерінің салдарын толық түсінетінін.
• 10.7. Тапсырыс беруші офертаны жасау және орындау үшін барлық қажетті құқықтар мен өкілеттіктерге ие.
• 10.8. Егер офертаның қандай да бір ережесі жарамсыз немесе заңсыз деп танылса немесе Қазақстан Республикасының заңнамасына сәйкес күшіне енбесе, ол офертаның бастапқы ниетіне барынша сәйкес келетін жаңа ережемен ауыстырылады. Бұл ретте офертаның (осы Шарттың) қалған ережелері өзгеріссіз қалады және күшінде болады.
• 10.9. Осы Келісімде реттелмеген барлық мәселелер бойынша Тараптар Қазақстан Республикасының қолданыстағы заңнамасын басшылыққа алады. Тапсырыс беруші осы Келісімнің барлық шарттары оған түсінікті екенін және оларды сөзсіз әрі толық көлемде қабылдайтынын растайды. Егер Тапсырыс берушінің қандай да бір шағымдары немесе келіспеушіліктері болса, ол Орындаушыға info@bigdatakz.com электрондық пошта арқылы жеке шарттар туралы жазбаша түрде хабарлауы тиіс.

11. ТАРАПТАРДЫҢ РЕКВИЗИТТЕРІ

Орындаушы:
ТОО "БигДатаГрупп"
БСН: 250140022669
Заңды мекенжайы: Алматы қ., Сәтпаев көшесі, 20А, 50-пәтер
Р/с: KZ29722S000043287801
БСК: CASPKZKAXXX
АО «Kaspi Bank»

Тел.: +7 777 016 62 55